Xa de mañá comezaron as primeiras gotas, polo que tivemos que modificar os nosos planes. Decidimos ver o antigo Convento de San Estevo, onde agora hai unha pequena exposición aberta ao público e na primeira planta unha sala de proxeccións onde vimos uns videos sobre o Parque Nacional das Illas Atlánticas.
Despois contamos cun pouco de tempo libre antes do xantar no que aproveitamos para ordenar as tendas e algún que outro botar unha cabezadiña.
A nosa misión da tarde comezaba cedo. Esta consistía en anotar os barcos e cantidade de pasaxeiros que chegaban á Illa, en grupos de dous, mentres outro realizaban enquisas aos visitantes desta.
Todo isto pasado por auga e co vento na cara.
Rematada a nosa xornada só queremos un prato e ducha ben quentes.
Esperamos que veña bó tempo e nos leven á Illa Sur.