Chegando puntuais
ao peirao da laxe, algúns com mais cara de sono que outros, vendo caras
coñecidas de edicións anteriores do Camiño a Camiño, organizadas pola nosa
Concellería de Medio Ambente e máis ou menos asustados ante a crenza de que ían
traballar arreo e de Sol a Sol iniciamos o sábado o périplo cara as illas Cies.
Unha vez
instalados e ben comidos distribuímonos en tres grupos de traballo e ante as
indicacións do persoal do Parque Nacional, un dos grupos foi cara a illa norte
onde hai uns anos talaran eucaliptos e acácias e onde agora brotaban con
renovadas forzas , estas duas espécies foráneas que invaden o Parque. E dicimos
renovadas porque o grupo deu boa conta de brotes, retoños e plantóns das
citadas espécies para controlar a sua poboación e iso que o fixeron só ca
axudas das suas propias mans cobertas cãs necesarias lubas.
O segundo grupo
quedou ante o inicio norte das dunas do areal de Rodas quitando a man un bo
montón de rochas e cascallo de cemento que a duna vai descobrendo , afeando o
entorno. Todos pertrechados cós seus chalecos reflectantes de voluntariado,
foron enchendo capachos de este escombro ou amontoándoos para a sua posterior
recollida polo Parque.
E o terceiro e
último grupo levou a cabo unha labor de axuda nun proxecto de
investigación dos morcegos que habitan
no parque creando uns firmes buratos onde se clavarán unhas estacas que
suxeitarán uns micrófonos para a detección destes micromamíferos voadores.
Ao remate e vendo
que ía chover fomos recollendo os bártulos e preparándonos para ir a cear. E
finalmente rompeu a chover cunha forza inusitada que fixo das tendas de algúns
dos voluntarios unha balsa de auga no mesmo camping das Illas.
Erguémonos o
domingo desentumecéndonos de tanta humidade pero con un ceo totalmente
despexado e cun Sol de xustiza que non nos arredou á hora de quitar lixo dende
o areal de Figueras ata todo o areal de Rodas, tarefa que remataron todos
aqueles voluntários que xa coñecían o roteiro dos faros que foi a actividade que
desempeñou o outro grupo que non fixo limpeza do lixo. Todos contentos ante a
repartición das actividades sinaladas para este día finalizamos ao fin as
tarefas e deunos tempo a tomar un pequeno chapuzón, recoller tranquilamente as
tendas e despedirnos desta fin de semana educativa, de convivenza, traballo e
lecer nesta xoia de Parque Nacional que debe ser orgullo de todos nós.
O resume fotográfico da fin semana 3-4 setembro atópase na solapa "Quenda A"